البرمة تغلي و قريب تفير

من نار لنار و ما يحرق بالنار كان العزيز الجبار 
من نار الثورة الي كلات كان القليل و خلات الكثير
 لنار الفتنة و العروشية والتخريب من جديد 
من نار الجهويات لنار القبايل و من نار أني و انا و أنيي لنار انا عملت و انتي فين 
من نار كانت متوجهة للمسؤول ولات نار تحرق في الشعب و الي مشعلها الشعب 
من نار البطالة لنار  تحرق المنشئات و تزيد في البطالة 
من نار مكشخ و كلوبيست و صفاقسي لنار خوانجي و علماني كافر 
من نار ملوتوف أدفي الثوار لنار وحقد على الخلافة 
من صف واحد ولين صفوف كل حد نسء الدرابوا الي يلمنا و تلهينا في مشاكل و خلافات تفرقنا 
المشهد العام يقول الي الشعب عندوا قلت وعي 
المسؤول يقول هذا عادي نظرا للضغط الي كان 
من نار النقص في البرامج لنار الجهل بقاموس السياسي 
من شعب ثائر يخترع في الشارع شعرات الى شعب يوجه الاتهمات لنفسه 
من شعب مبادر بالفعل الى شعب يستفعل في نفسه 
من شعب حاقد على الساسة الى شعب حاقد على نفسه 
من شعب يكره قادته الى شعب يكره نفسه 
من شعب يتفنن في تركيز أعتصماته الى شعب يتبع الجراد الذي سوف يجعل من تونس صحراء قاحلة 
من شعب يقود الى شعب مسير 
من مصداقية الصندوق الى تكذيب و تشكيك في ما قرره الصندوق 
من أعلام بنفسجي الي أعلام يخدم الخارج 
من.... الى  مسافة هيا  بين الكلمات , بين هذا و ذاك عقل واحد يدبر عقل واحد تخرج منه الأفكار لتصتدم بواقع شعب لا يفهم نفسه فهل سوف نعود الى نقطة البداية أم أننا أبتعدنا على البداية و اشرفنا على نهاية لا نعلم كيف ستكون و كل واحد يراها في شكل 
من هنا اكتب لكم و انا لا أفهم ما أكتب بال أنقل ما أرى أو انني أعاني من أنفصام في شخصيتي شخصية تتكون على طاولة ما نتفنن في وصفها و لكن الحقيقة الوحيدة اننا لم نجلس عليها يوما 

أكسبلوزيف