سلخان علوش و تكسير مفاصل

بعد حجامة عادية ومتاع عيد  و دوش سخون يفرشك العروق جاء وقت مقال قبل ما يهزني النوم
وخرفتنا الليلة على أمنا أمريكا ألي عندها ديمقراطية عجيبة و على امريكا العزيزة نفركوهم الليلة 
يا سيدي يا بن سيدي نحلوا البرمة و في البرمة الحاضر يززي و الي ثما ثما 
للا أمريكا العجيبة عندها خلايا متاع شيوعيا ألي تابعين للمركاسيا الليلينيا... هل الحزب هذا ضد الرأسمالية  المتوحشة ألي تعطي الفرصة للمحتكرين باش يحتلو حتى بلاد الغير ... و على خاطر أمريكا من غير حروب ما تنجمشي تعيش و على خاطر امتال "رمبوا و فان دام "فيها كثير... أقصات أولاد ليلين و صارو في هل البلاد مقموعين .
و هذا الكل بالديمقراطية تنجم تغطيه و بطريف "مستيك "و" بستيل" و ضحكة  كندليزا و الى هيلاري على العالم تغطيه و الي يجبد هل الموضوع حتى بالفتلكا بالكروز تعطيه بالطبيعة موش توم الي نحكيوا عليه .
منا و من غادي فما الي يبوس اليد و الواوا  على رضاها... الناس تجري و تلاجي  و فما الي يرمي روحوا تحت سقيها طامع في دولارات بالشاك و الى كاشي
فما الي نايل رضاها من تحت التحت ,و فما الي عملها معارض و هوا في سفرتها يكل في الكعك ,فما الي يتعشا و يبات و يصبح ,و كل مديدا و مديدا ويكيليكس يفضح
فيهم الثوري و فيهم الاسلامي و فما الي جهار بهار و عيناني فيهم ألي يبكي و فيهم الي بالدين يحلل و يحرم و يقول في الجرايد و على أعتاب المقاهي راني ثوري و نكره أسرائيل أما نتعامل مع اموا و أمي أمريكا و, فما الي بقلبوا و صنديد و في قلب أراضي الصهاينة عيط بأعلى صوت يحيا بيم بيم  و الناس فهمتوا بالغالط مسكين هوا نيتوا طيبا خاترو من عشاق مستر بين.
فما الي ما عندوش ذاكرة فيسع ينسى مسكين الله غالب كل نهار يجيه "ميز أجور " جديد ذاكرتوا كيف الفلاش وين يتفريس فرماتاج هذاكا الي يطبقوه عليه 
و يا ولدي يلي تسمع في هل الخرافة رد بالك نوصيك أمريكا أستعملت النووي في هوريشيما و نكازاكي و تمويل في العدوان الصهاينة على فلسطين
عندها الصاروخ و الطيارة الي بسرعة الضوء تسير و عندها أقوى سلاح تخوفنا بيه الي يسميوه "harp"الى يزلزلها جبال و أراضي.
عندها اكبر كذبة زدا في التاريخ عباد في ستوديوا زعما يطير و قالوا أنتم فين و نحنا فين هنا وصلنا للقمرة و رجالنا في الفضاء تنقز و كيف الفراشة أطير.
و نزيد انقلك أكثر من هكا معاك نسير بدمقراطيتها عملوا في المسلمين في قونتناموا و أبوغريب 
و نزيدك عليهم أوفر قراتوي و نحكيلك على التشوهات الجينية في العراق بعد ما أستعملوا صوارخ محشيا باليورانيوم المنضب ربي منوا يعفيك 
نحكيلك و الحكايات على الخروقات ما توفا كان غدوا الصباح و بلكشي على الوقت هذكا نزيد 
ضربا ضربتين مطيحتنا في كريز أيكونميك الحلقات فيها تتعدد و تقول حلقات متاع كوميك و هيا كل كريز تعمل حرب و البنك الفدرالي بالملاين تعطيها 
و ما تنساش كيف اليوم عدموا رئيس صنديد حربتوا أش و تلاثين دولة و ما رفعشي الريات البيض الله يرحمك يا صدام الصيد
أه يا ولدي كان جينا متحدين على أمك امريكا رانا في ناعيم أما الله غالب حكمونا ناس ياسر متربين و يعبدوا ربي علنا و في ضلام الليل ,و الي تحكي معاه يضحكلك و يقلك تحب يرضا عليك ربي... تقلوا أي ...يقلك مالا طيع عيش ولدي ولديك
حال الامة مفرك يا وليدي و الثورة من بلاد لبلاد هاي تسير و منيش عارف شكون يسير فيها الشعب و الى أمك
و الى ولدها الفيسبوك و الى ولدها الصغير أسرائيل 
هنا وليدي واكلين شاربين و راقدين حتى يجي فينا واحد عاصي لولديه و يحكم بشرع ربي و بدين النبي "صلى الله عليه و سلم"
فهمتني ولدي و الى لا 
يا طفل 
يا ولد
رقدة ملى تصبح على خير و ربي يسيرها على خير و يبعد عليك امك بعد السماء على الارض و يبعد عليك حزب التبندير و يطيحك كان بجماعة حزب التحرير الصادقين الي ما يمنوا كان بربي و لا دمقراطية و ما يمنوا كان بربي و النبي